इरानलाई हराउँदै नेपाल फाइनलमा, उपाधिका लागि भारतसँग भिड्ने

काठमाडौं । इरानलाई सोझो सेटमा हराउँदै नेपाल एसियन भलिबल एसोसिएसन (काभा) नेसन्स लिगको फाइनलमा प्रवेश गरेको छ।

मंगलबार दशरथ रंगशाला कभर्ड हलमा इरानलाई २५–२१, २८–२६ र २५–२० ले पराजित गर्दै नेपालले फाइनलमा भारतसँगको भेट पक्का गरेको हो । मंगलबार नै श्रीलंकालाई सोझो सेटमा हराउँदै भारत फाइनलमा पुगिसकेको छ।

नेपाल र भारतबीचको उपाधि भिडन्त बुधबार हुनेछ। बुधबार नै तेस्रो स्थानका लागि इरान र श्रीलंकाले प्रतिस्पर्धा गर्नेछन् ।