नेपाल प्रहरीका चार एआइजीको सरुवा

काठमाडौं । सरकारले नेपाल प्रहरीका चार अतिरिक्त महानिरीक्षक (एआइजी)को सरुवा गरेको छ।

मंगलबार बसेको मन्त्रिपरिषद बैठकले दीपक थापा, किरण बज्राचार्य, श्यामलाल ज्ञवाली र रामदत्त जोशीको सरुवा गरेको हो।

थापा केन्द्रीय अनुसन्धान ब्यूरो (सिआइबी)मा, बज्राचार्य उपत्यका प्रहरी कार्यालयमा, ज्ञवाली प्रदेश समन्वय विभागमा र जोशी कार्य विभागमा सरुवा भएका छन्। जोशी हालै बढुवा भएका हुन्।