देशभर २२ जनामा हैजा संक्रमण पुष्टि

काठमाडौं । नेपालमा हैजा संक्रमितको संख्या बढ्दै गएको छ । ललितपुरमा थप दुईजनामा हैजा पुष्टि भएसँगै संक्रमितको संख्या २२ पुगेको छ ।

इपिडिमियोलोजी तथा रोग नियन्त्रण महाशाखाका अनुसार बुधबारसम्म ललितपुरमा १४, कैलालीमा सात, काठमाडौंमा एकजनामा गरी २२ जनामा हैजा संक्रमण पुष्टि भएको हो । वर्षापछि बाढीसँगै खानेपानीका स्रोतहरूमा ढल मिसिएपछि हैजाको जोखिम बढेकाले चिकित्सकहरुले सचेत हुन आग्रह गरेका छन् ।

सामान्यतया हैजाको कीटाणु पानीमा एक हप्ताभन्दा बढी बाँच्न सक्छ । संक्रमणबाट जोगिन पानी उमालेर वा पूर्णतया निर्मूलीकरण गरेर मात्रै पिउन, खानेकुरा राम्ररी पखालेर वा पकाएर खान तथा सरसफाइमा ध्यान दिन चिकित्सकहरूको सुझाव छ ।